اوائل البرامج - عـــيــد الاحـــــــزان

العيد عاااد وعاااد بأحزانـي العيـد

سـابع دهر ياعيد جـرحي أشيلـه

مال الامال بحلم عمـري مواااعيـد

كل الأمال بــدنيـتـي مستحيلـه

ياأروى عظيم الجرح ماطاب ويزيد

مابي على مابـي حلـول ووسيلـه

الهـم عـم وسـم حالـي بتاكـيـد

حلم ٍ تبـدد وأنتهـى فـي حصيلـه

أسرح مع أحزان الشقاء وأرجع أعيد

ومن عاش وضع الحـال ياعزتيلـه

أقفت سنين العمـر جمـع ومفاريـد

وموت المواجع صمت صبري أكيله

واللي ورى صدرالشقاءوصف تحديد

بيت ٍ مشـرع بـس مالـه عقيلـه

الله أكبـر يالحـظـوظ المقـاريـد

مال السعد في وجـه حظـي مقيلـه

ياأروى دموع العين ياأمـي مقاويـد

دمع ٍ غسل كحل الرمـوش الظليلـه

هم ٍ سكنـي كيـف ياعيـد بيحيـد

عن زرع روحي فوق جمر المليلـه

ورمح القدر مسنون يطعن بلا أيـد

وخضر الطعون أجداد دم الفصيلـه

والله يفعـل مايشـاء فينـي ويريـد

ومالي عن المكتوب ياأروى بديلـه

العيد عاد وعـاد بالحـزن لاعيـد

وغنت هجوس الشعر طرق الجزيله