الحزن ينصب في خفوقي خيامه=ويهدّني بين الجروح العظيمه
في وحدتي ماغير دمع ندامه=وجيوش حزنٍ طاغياتن أليمه
والحظ صوّب للأماني سهامه= وبقيت وحدي مثل حلم اليتيمه
احتاج لي صبحٍ يبدد عسامه= واحتاج قلبٍ مثل روحي سليمه
قلبٍ كريمٍ كل بوحه شهامه= كبير يشبه للايادي الرحيمه
واصبحت كني للمآسي علامه= تغشاني همومن تكالب ظليمه
امد يدي وسط داجي ظلامه=ولا شوف غير المظلمات القديمه
يوم القهر وقته يساوي لعامه= وانا لضيقاتي وشعري نديمه
وارجي فرح عمري يوصّل سنامه= واعيش باقي العمر فرحة مقيمه
وارفع يديني بالدعا باستقامه=يارب وصلني لذروة نعيـمه
انا تعبت وقلت:وين السلامه=عبت من شيل الجروح العظيمه

[

مخرج

واناجي الليل والاسماء
انا من وين
انا تاسرني الاحزان
والظلما
تمادى هالتعب فيني
لآخر يوم
ومواويلي حكاياتي وأسراري
تعنيني
تغنيني على الآحزان
والاوزان تحكيني
كما الاسماء

[/size]