المحبة والتواضع رزق مـن رب العبـاد=والقناعة كنز يأهل العرف ما يفنى ابـد
وانتي ياللي مرتويبك نار واحساسك رماد=كيف اشيل القلب جمره وانت تتساقط برد
والله أني قبل أعرفك سالك دروب الرشاد=لا تحدي في حياتـي لا عنـاد ولاحسـد
لين مضمونك هجدنـي يالعلـه للهجـاد=قمت اجمع في ركونه لين ضيعت العـدد
يابديات الفرح مـدري بدايـات النكـاد=يا ملامح بأرق ألغيمه ومعزوف الرعـد
يا مدخلني بياضك في متهـات السـواد=يامذوقنـي مراراتـك بملعقـة الشهـد
يا مشيني بلا عنوان في الدرب الجـلاد=يابوادر قسوة الايام فـي وجـه السعـد
يا سخافة طفل جاهل ضيع العلم الوكـاد=ضيع العلم الوكاد وضاع برهـان السنـد
يا مسافربي غرامك بين شكـا واعتقـاد=كيف تنثرني بلاد وكيـف يجمعنـا بلـد
معك امانه معك امانه لا يضيع الاجتهـاد=لا يطول ظلم حبك مابقـى فينـي جهـد
لاتخليني ضحيـه بيـن لينـك والعنـاد=اتجرع قرب بعدك فـي ممـرات الوعـد
لو غفر ذنبك محرم ما غفر ذنبك جمـاد=ولوعطاك الوقت لينه قسوته فيمـا بعـد
الهوى يا بنت ماهو لبس وثيابـا جـداد=تلبسينه يوم سبت وتفصخينه يوم احـد

المحبة والتواضع رزق مـن رب العبـاد = والقناعة كنز يأهل العرف ما يفنى ابـد

صح لسانك ولاهنت