جيتي وجابك ولي الكـون والقسمـه=حياك ربـن خلقـك وفيـك شقانـي
هلا..هلا..بطلتـك ياحـي هالبسمـه=ياغايتـي يابعـد حـيـي وحيـانـي
ياروعة المستهيم الي غدا..عن اسمه=ياجنت المولـع اللـي فيـك هيمانـي
قبل أمس مطعون صدك مابرد وسمـه=واليوم طابت اجروحي والله اعفانـي
البسمه اللي على محيـاك مرتسمـه=لا شفتها من الفرح ضاقت بي اوطاني
لاشفت لليلاً غشاه وضاع به جسمـه=وخدراً..بها مستهيم الشوق نعسانـي
واقواسه اللي على صبحه تقل رسمه=منها الغوى ينتشي هيبـه وطغيانـي
اغيب..وافيق..والاوضـاع منحسمـه=مجني علي واستجير بصلطة الجانـي
جيتي مقادير مدري شائـت القسمـه=سبحان من بالثـلاث الغـر..وافانـي
انتي..وشمس الغروب..وهادي النسمه=على ضفاف الخليج الغربـي الثانـي