قالت قصيمي قلـت
بسم الله الرحمن الرحيم السلام عليكم ورحمة الله وبركاته اعذروني فأنا لا أعرف الشاعر إنما وجدتها في النت بدون اسم من اجمل ما قرات
قالت قصيمي قلت فخر ومعزة = أهل الكرم والعلم والحلم والبأس قالت قصيمي قصدها بي تهزة = ما تدري اني بفتخر وارفــع الراس الحمــــــــــدلله روسنا دوم رزة = اللي خلقنا بس نحني له الراس صافي نسبنا والحسب فية عزة =أصل أصيل وفصل والعرق دساس أهل الوفاء والدين صافي منزه = عن كل ما شاب العقيدة من أدلاس حنا العقيلات انشدي رجال غزه = حنا هل الدنيا وللدين حــــــــراس حنا سنايد نجد في كل حــــزه = لا خانت حلوق الرجاجيل الأنفاس حنا اجبال يعجز الريـــح هـــــزه = حنا لنجد حزام وعصابة الــــــراس نارد حياض المرجـــــلات ونلــزه = ما نمشي دروب الرذيلة والأدناس من يغلط لسانه علينــا نجــــزه = واللي يحقر قدر الرجاجيل ينداس منا العدو تكفيه بالعين خــــــزه = يقضي عليه الخوف مع كل هوجاس من ذكرنا في قلبه تثور نـــــــزه = من طاري القصمان يبلاه وسواس نومه كوابيس وروعه وفـــــــــزه = دقت نواقيس الخطر له والأجراس وان هو لقي له من علينا يــوزه = هون له الصعبات وإبليس خنــاس ما يدري انه للمهالـــــك يــدزه = عجل علي مبناه يمحي من الساس يا بنت حنا من نخانا نعــــــزه = يأمن بنا الملهوف وتهابنـــا الناس مرسولنا للخير دايـــــــم نكــزه = ولصرخة المحتاج نرخي الأكياس تاريخنا مجـــــد لبسناه بــــزه = نمشي بوسط السوق ماندحم الساس لك ما تركنا بكاس الأمجاد مـزه = واجد عليك ومثلك حثالة الكاس وش جاب حر الطير لفريـخ وزه = منهو يساوي جوهر الماس بنحاس لاتحسبين انك لنا مــسـتفـــزه = وش ياخذ الباعوض من ريش قرناس |
رد : قالت قصيمي قلـت
ونعم والله في أهـل القصيـم وفي جميـع مناطق المملكة صح لسان الشاعر الكبير محمد التميمي و تسلم يمين ناقلها يعطيكـ العافيه قصيده جميله مشكوووور |
رد : قالت قصيمي قلـت
|
رد : قالت قصيمي قلـت
كان القصمان اهل معزة اما الحين ماضن
لكن القائل مر عليه الزمان وسلم كاتب على زمانه اشكرك اخي على النقل |
رد : قالت قصيمي قلـت
يسلمووووو وصح لسانك الناقل والقايل
|
الساعة الآن 07:55 AM. |
Powered by vBulletin™ Version 3.8.7
Copyright copy; 2024 vBulletin Solutions, Inc
SEO by vBSEO 3.6.0