قصيدة اسير الشوق يرثي والده
قصيدة اسير الشوق يرثي والده فيصل بن فهد آمل انها تعجبكم
فجعتني يا سبت باغلى وأصـدق الأحبـاب=وصدمتني بامـر ولانـي حاسـب حسابـه اقول مدري وش يقـول الذاهـل المنصـاب=راح الهنا والفـرح طـارت عنـي أسرابـه المـوت حـق ولا إلـه إلا هـو الوهـاب=يعطي وياخـذ ولـه حكمـه مـع أسبابـه يابوي أنا فيني وجع لـه مخلبيـن ونـاب=يجتاحني واكذب لوأنـي قلـت مـا أهابـه يابوي لو صاب الصلد ما صاب قلبـي ذاب=قضيت والهاجـس غبنـي وأطلـق ذيابـه يابـوي وينـك مزعجتنـي عجـة النعـاب=افديـك وينـك فكنـي مـن رهبـة الغابـه يابوي شبلك من تركته كـن راسـة شـاب=تقاطعـت فيـه الـدروب وقلـوا أصحابـه يابـوي ذل الحـزن ذل ولا عليـه حجـاب=من يا طويل الصمت ينصفني مـن حرابـه يابوي أه مـن العـذاب وصبـري الكـذاب=أه مـن الفرقـا وهـم ثـارت اعصـابـه يابوي مـا تمـلا مكانـك زحمـة الاقـراب=انت الامان وغيـر ظلـك صعـب أهنابـه يابوي لو شفت الديـار ودمعهـا السكـاب=النـاس تبكـي والشجـر واليـم وعبابـه حبك تغلغل بالوطن ماهـو ريـا واعجابـه=يـا ساكـن روح الشبـاب وقلـب شيابـه انعاك لا ما انعاك ما يرثي فضـاك شهـاب=مثلـك وجـود بـلا حـدود مشـرع بابـه يا سدرة العـز ونخيـل المجـد والمرقـاب=يا شذرة السيف وعمـود البيـت وأطنابـه صورتك في دمعي تعانق رعشـة الأهـداب=ونبضـك بشريانـي يشاركنـي بعنـابـه واسمك وسام فوق صدري والفعـول كتـاب=تمـر أيــام العـمـر والـكـل يقـرابـه ومن جا يعزيني بفقدك قلـت لـه مرتـاب=ابـوي عايـش لكـن انـي مـت بغيابـه ورب الضحى والليل الاسود لا سجى ما غاب=طيفه ولا فارق ضميـر احـد مـن احبابـه مامات ابوي ومن يظن انه رحل ما صـاب=الطيـب مـا يفنـى ولـو حطـوه بترابـه مامـات وردك يالحيـاة المـورق الجـذاب=باقـي شـذاه يفـوح بالتاريـخ وثيـابـه روح تعالت فـي سمـاوات الغـلا ترحـاب=فيهـا سمـوه طلتـه طيـبـه وترحـابـه جعل الخلود أخـر مداهـا والنعيـم البـاب=روح مع أصحـاب اليميـن تقلـب كتابـه |
رد : قصيدة اسير الشوق يرثي والده
قصيدة روعة رحم الله فيصل بن فهد
|
رد : قصيدة اسير الشوق يرثي والده
صح لسان الشاعر و سلمت يمين الناقل
قصيدهـ رااائـعــه و حزينه الله يرحمه و يرحم موتى المسلمين يعطيكـ العاافيـه لا عدمنااكـ |
رد : قصيدة اسير الشوق يرثي والده
صح لسانك القايل والناقل وتسلم اناملك
الله يعطيك الصحه |
رد : قصيدة اسير الشوق يرثي والده
صح لسان الشاعر و الناقل
ويعطيك العافية |
الساعة الآن 06:15 AM. |
Powered by vBulletin™ Version 3.8.7
Copyright copy; 2024 vBulletin Solutions, Inc
SEO by vBSEO 3.6.0