اوائل البرامج - الفــــ يرثي ابنه ـــراعنه

بسم الله الرحمن الرحيم
السلام عليكم ورحمة الله وبركاته
الفــــ يرثي ابنه ــراعنه
في واحده من اجمل قصائده واكثرها رقه وحنان ودموع الفراعنه يتفجرأسى ويقول قد يستغرب الناس كيف يرثي انسان ابنه وقد ولد ميتا ولم يره امامه وليس له ذكريات معه الا انني رأيت ذكريات أغفلها الشعراء وليس هناك من لم تمر
عليه وهذه قصيده رثاء في مولودي وهديه مني الى امه ربط الله على قلبها وعوضها فيه وجعله شفيعا لأبويه،
القصيده مرثيه طويله تعددت أغراضها من رثاء الى تبصر في الزمان إلى حكم وفلسفه وسآتي بأجزاء كثيره وليست كامله
واعذروني اذا فيه اخطاء املائيه :اخليكم مع القصيده،
ماأراني فاعلا في الليل إن ارخى سدولــه
ماأراني فاعلا والصبح قد حان احتضــاره
طفلي اللي مات في أول يوم ماذاق الطفولــه
عاجله سهم القدر واختاره الله في جــواره
طفلي اللي مات في غمضة طرف ماحال حولــه
يوم عمر الآدمي ماكان يوما باختيــاره
ياوجودي يوم لفوا شاحب الأكفان حولــه
ماتقول إلا شظيةلؤلؤ داخل محــاره
ياوجودي يوم أطالع فيه في عرضه وطولــه
تنتحرفي العين مني دمعه كنها شــراره
نفس عين ابوي عينه بل ونفس الزول زولــه
وبالأماره فيه من عمه (شبيب) كم أمــاره
جابه الله مثل هتان المطر ساعة هطولــه
ديم أحيا بهجة امه تارة وأبوه تــاره
ويوم شاف الشر من صوب اهله يشعب ذلولــه
حط دون صدورهم صدره من الرحمه ستــاره
ومات توي مابعد بإدي لبسته نعولــه
مات توي مابعد ساويت في ثوبه زراره
كن عينه يوم مات تقول: بابا ويش هولــه ؟
يوم تبكي وأنت تدري من أنا ذلحين جــاره
كلنا راحل وخيرالناس من زود رحولــه
باغتنام الصالحات وكل كسر له جبــاره
طفلي اللي صوبت كبده قبل ساعة وصولــه
بندق من عين حاسد واودعت قلبي طشــاره
ياوجودي مالقيت انسب لمولودي مقولــه
من مقولة:ياوجه صبح تحرر من خمــاره
أو ثغر برق تهامي تبسم في ثعولــه
ضوح مصباحه عليه يورد النجدي بكــاره
يوم اشيله ماتقول اشيل شي من نحولــه
أتشمم ريحته من -فجعة القلب بحراره-
يوم جيت العب معاه وغاب قلبي من ذهولــه
يوم ماشفته تبسم لي وانا في أول زيــاره
قمت أحدث عنه نفسي والعرب حولي وحولــه
ليت ماهو ميت ؟إلا ميت!ماتبغي استشــاره
اتخنقني عبرتي يوم اتذكر ماتقولــه
عنه امه يوم أنا في ديرة ماهيب داره
اتذكر يوم هو في بطنها يحرك رجولــه
وانتعير:ليت ماهو اقشر ؟لبى القشــاره
كم سهرنا معه ليله كامله من كبر هولــه
لين صرنا نعرف موعد قومته داخل قــراره
وان تأخر ماصحى في موعده قمنا نصولــه
ننغزه يامن يمين البطن وإلا من يســاره
مانبي شي بس نبي نضحك على ردة فعولــه
ننغزه ويـفز خايف مادرى ويش العبــاره
من يدي غيمة على ايدي الملائكــه
محمولــه
غيمة من نور ماتشبه نضارتها نضــاره
ياإلاه كل مافي الأرض طرا سبحوا لــه
شفعه فينا غدا واجعله لابوانه بشــاره
في نهار فيه أعناق الشياطين مغلولــه
يتلقفنا مثل مايلقف الحاوي صــراره

منقوول