|
بسمك إله الكون
بسمك إله الكون ابدأ القوافي = الدايم اللي غيره اليوم مايدوم ياعالم(ن) باللي عن الناس خافي = يالخالق اللي قاسم رزقه قسوم لطفك .. وعطفك .. عفوك اليوم شافي= يالواحد الفارج لـــ ضيقات وهموم من خلف حدب العوج همي خرافي = مقسوم أخفي وأخفي الجرح مقسوم صبرت صبر أيوب والصبر وافي = وياطوول صبر ٍ صبرته على القوم وقامت تلاعبها سموم وسوافي= وراحت حياة الورد حاسم ومحسوم ياما وياما قلت يالله عوافي = حتى عرفت الهم مخلوق لي توم تبطن يأسود الليالي مقافي = مرسوم لي كل العنا حيل مرسوم لوالله إلا ّ غثربت كل صافي=سبعة سنين الصوم والباقي نصوم وحبيت أصحي منِ منِ النوم غافي=إنسان ماله حيل ..لا ماله عزوم مابين حر الشوق واجر العوافي =ضباب مدري عاصفه مدري غيوم كنت احسب ( ن ) أيامي البيض تأفي =وأقول لي فأيامي السود زيزوم شهب السنين الممحلات العجافي =أقفت بتال العمر ماباقي حلوم يالله طلبتك يالمهيمن تكافي = أهل الحسد والحقد قوم بثر قوم ناس تسوق الكيف سم الزحافي =وناس(ن) تسوق العذب في كاس مسموم سود الوجيه أهل العقول الضعافي= أهل القلوب السود عاداتهم دوم |
رد: بسمك إله الكون
صح لسـااانكـ قصيدهـ بقمة الجمـااال سلمت اناملكـ لا عدمناااكـ |
رد: بسمك إله الكون
قصيده رااااائعه و جزله
صح لسااااااانك تقبلي تحيتي |
رد: بسمك إله الكون
اسعد الله اوقاتك على القصيدة الجيدة
عندي استفسار عن كلمة سم الزحافي مامعناها او قد يكون هناك خطأ مطبعي والمقصود هو سم الزعافي قصيدة جيدة من حيث القافية ولاكن بصراحة لم افهم ماترمي اليه القصيدة شكرا على القصيدة امل اني مااثقلت تقبلي مروري بحور الشعر |
رد: بسمك إله الكون
اقتباس:
صح بدنك ولا هنتي ع مرورك |
رد: بسمك إله الكون
اقتباس:
اخوى محمدي صح بدنك مرورك عطر صفحتي لا هنت يا الغالي |
رد: بسمك إله الكون
اقتباس:
بحور الشعر هلا وغلا اخوى صح بدنك سم الزحافي المقصود الثعابين الله يكفينا شرها ومن ناحية القصيده واضحه ومفهومه جدا وبعدين القصيده لها اكثر من خمس سنوات كان فيه خلاف مع زوجة اخوى اتمنى تكوف استوعبت المعنى على العموم حضورك عطر صفحتي والف شكر على الحضور الراقي |
| الساعة الآن 10:42 PM. |
Powered by vBulletin™ Version 3.8.7
Copyright copy; 2024 vBulletin Solutions, Inc
SEO by vBSEO 3.6.0