تدري وش الي يقسم القلب قسمين=اني اشوف البنت تجلس وحيده!
وسؤالها ينساب في دمعة العين=ماما... متى بابا زمنّا يعيده؟
اقول يا أروى بس تكفين تكفين = بعض الاماني يالحبيبه بعيده
ماني وانا امك قارده لو تمنين= الله كتب فرقا الحياة السعيده
خوفي من الايام تفرق حبيبين= فرقاك اقسا من فراق البديده
حتى السنين الا وله به عيدين= والحين لاجا العيد صدمة جديده
نزف المشاعر فجرت هالشرايين= ضخ الحزن عبر القلم واستعيده
بشر خلقنا كل ابونا من الطين = وباكر نعوّد طين يرعب شديده
مكان بين الناس دخلت شياطين= ولاعـرفنا الحقــد واللي يريده
ادري من لغفلا ت صرنا بعيدين= حتى الاخو ماعاد تلمسك ايده

المشاركة الأصلية كتبت بواسطة دلوعة أبوها (المشاركة 29286) قصيدة مدري عن معانيها بس احسها مرة معبرة صح لسانك همس تحياتي دلوعة ابوها

المشاركة الأصلية كتبت بواسطة النرجسي (المشاركة 29287) كلمات جميله .. احسنت الاختيار وذكرتني بالقصيدة اللي تقول تدري وش اللي يجرح القلب جرحين ..................ويمد حبـل الحـزن فيـك و يشـده انك تناظر طفل مـن غيـر ابويـن .................يمشي و دمعـه سايـل فـوق خـده منظر صعيب و يقسم القلـب قسميـن ................لا قـام يمسـح دمعـة بكـف يـده يمش و لا يدري طريقة علـى ويـن ...............لين التعب من كثـر مـا تـاه هـده اثقل حـروف يشيلهـا فيـه حرفيـن ...............لا أب يـدريـبـه و لا أم تـــرده