غــــــــــــــــــــزه

غزه وحنا نبكى جروح غزه = وبمشاهد التلفاز نحكى بلاها
الارض تصرخ والعرب راح عزّه=واعراضهم تنداس بيّن خفاها
ماعاد بقلوب المخاليق فزّه= في معمعة هالمال كلن نساها
الكل منا بس قوله يرزّه = والا الفعل مبطي نسينا سواها
الله واكبر كن ماله معزّه= بعد صلاح الدين كلن وطاها
الموت فيها كل ركنن يهزّه=والدم فيها كل ركنن ملاها
والطفل فيها كل همن يكزّه= حتى العجوز الكل باع وشراها
والشيخ فيها صار ماله معزّه=كلن يهينه في دروبن مشاها
ونفوس حتى الكفر له مشمئزه=الكل يشعر به ويسمع بكاها
ماعاد فيها اي شيءٍ ينزّه=الكل فيها يهان حتى ثراها
وحنا غوينا بين شربه ومزّه=مبطي تركناها تصارع مناها
وهي تنتظرنا بكل وقتٍ وحزّه= وحنا نيام وربنا اللي حماها
ماعاد ننظر للعدو او نخزّه=صرنا نخاف اللي يوقّف وراها
شبابنا يضحك مع خصر هزّه=وكبارنا بالمال زوّد عماها
غزة ياغزة والف آهٍ ياغزّه=الكل ناسي دمعتك في ثراها