شرح حصرى بالصور لطريقة تحويل ملفات الفيديو الى Nsv و العكس

أنا مش هطول كتير لأنى لاحظت ان في بعض الأعضاء في المنتدى بيحبوا الامتداد NSV و آخرين بيعتقدوا انه أسوأ صيغ ملفات الفيديو ...... في الحقيقة أنا مع الرأى الأول لأن الملفات دى بتتميز بصغر الحجم مع القرب لجودة الدي في دي

هبدأ بشرح طريقة تحويل ملفات الفيديو الى الامتداد NSV :

حمل البرنامج ده و صطبه عندك عادى خالص.------------> أظن مش لازم شرح لطريقة انزال البرنامج.
بعد ما البرنامج ينزل هتلاقي عندك مجموعة من البرامج الخاصة بـNSV و لكل واحد منها وظيفة ممكن تستخدم برنامج Flask MPEGr للتحويل لكن أنا هشرح على برنامج NSV Batch encoder.

اضغط على علامة الملف الموجودة فى شريط الأدوات أو اعمل زى اللى فى الصورة

أكيد لاحظت ان البرنامج لا يدعم صيغة wmv ده غير انملفات AVI مش بتنفع تتحول كاملة (حل المشكلة دى في الملاحظات اللى فى نهاية الموضوع)
دلوقتى حدد الملف اللى أنت عاوز تحوله و بعدها هيظهرلك الشاشة دى

اضغط أوكى وحدد الملف (يعنى تضغط عليه كليكة شمال لحد ما يزرق) بعد كده اضغط على السهم الأخضر الموجود في شريط القوائم أو اعمل اللى فى الصورة

بكده يكون انتهى شرح تحويل الملفات الى الامتداد NSV

ودلوقتى طريقة تحويل ملفات الفيديو من NSV الى AVI :

وطبعا لو عندك ملف AVI يبقى المشكلة اتحلت و ممكن تحوله لأى صيغة تانية بتحبها بس للأسف تحويل ملفات الفيديو للصيغة من الصيغة NSV لصيغة أخرى معقد و مبيتمش بطريقة مباشرة هنستعمل أكتر من برنامج:

قبل أى حاجة لازم يكون عندك البرامج دى:
أولاً: برنامج الوينأمب غنى عن التعريف طبعا لأنه البرنامج الأساسى لفتح الملفات NSV و هنستخدمه هنا في استخراج ملف الصوت من ملف الـNSV الأصلى و أنا بفضل يكون عندك آخر اصدارة (و ممكن تحمله من هنا)
ثانياً: برنامج NSV Demuxer و هنستخدمه في استخراج ملف الصورة من ملف الـNSV الأصلى.
ثالثا: برنامج AVI MUX GUI و هنستخدمه في دمج ملف الصورة مع ملف الصوت و ممكن تستخدم أى برنامج تانى تعرفه حتى لو كان Windows movie maker لكن أنا اخترت البرنامج ده لسهولته.
البرنامجين التانى و التالت أنا جمعتهم في ملف واحد 680 كيلوبايت على الرابيد شيرممكن تحمله من هنا

أكيد من اللى فات ممكن تفتكر ان التحويل من صيغة NSV الى AVI هيكون مليان مشاكل لكن أنا مرضتش أحط الموضوع في المنتدى الا بعد ما جربت الحكاية دى أكتر من مرة و عرفت المشكلة اللى بتمنع تحويل الملف كامل و اتغلبت عليها و الحمد لله ابقى اقرا الملاحظات اللى بعد الشرح قبل ما تبتدى تنفذ

دلوقتى أقدر أبتدى في الشرح:
افتح برنامج Winamp و من قايمة Options اختار Preferences ---- ممكن تضغط كنترول+P للاختصار

انزل على Plugins و حدد Output واختار Nullsoft Disk writer plugin و بعدها تضغط Configure تمام زى في الصورة اللى تحت

دلوقتى لازم تختار Force wav file من بند Output file type ويستحتسن تغير مكان حفظ الملف من فوق زى ما أنت شايف فى الصورة اللى تحت

معتش ناقص حاجة دلوقتى غير بدء تشغيل الملف ...... متتضايقش لو لقيت مفيش صوت بعد التشغيل لكن المهم انك تلاقي ملف الصوت في الدريف سى أو أى مكان آخر أنت حددتهوله .... ده غير انك ممكن بعد ما تاخد ملف الصوت ترجع الاعدادات زى ما كات و كأن مفيش حاجة حصلت خالص.
نبدأ فى المرحلة التانية من التحويل و هى استخراج ملف الصورة با ستخدام برنامج NSV Demuxer الموجود في الملف اللى فوق بعد فك الضغط طبعا
أنا هفترض ان البرنامج موجود عندك في الدريف دى و في مجلد اسمه nsv demuxer و ممكن تغير المكان زى ما أنت عايز مع تغيير بسيط في مسار الأمر اللى هتنفذه و منعا لأى مشاكل لازم تحط ملف NSV اللى أنت عايز تحوله في نفس مجلد البرنامج]--------- هو ده مش ضرورىلكن أنا بفضله علشان منكتبش مسارين في أمر التنفيذ----- أنا كمان هفترض ان اسم ملف NSV اللى هتحوله اسمه 123 و ان اسم الملف اللى هيكون بعد التحويل 321 و ان اسم ملف الصوت اللى أنت خرجته من الوينأمب 567 طبعا ليك الحرية في تغيير الأسماء دى مع تغييرها في الأمر اللى هتكتبه
و دلوقتى افتح قايمة Start و اختار Run و اكتب الأمر التالى:
دلوقتى تقدر تضغط Ok زى مهو عندك في الصورة

دلوقتى هتشوف عملية استخراج ملف الفيديو و هى بتتم
انتهت المرحلة التانية من عملية التحويل هنبدأ في شرح المرحلة الأخيرة و هي دمج ملف الصوت مع ملف الصورة اذا مقدرش برنامج NSV Demuxer في عمل كده لأنى بصراحة حولت 5 ملفات باستخدام البرنامج لكن للأسف مفيش غير واحد بس اللى قدر يندمج مع الصورة بعد ما حولت ملف الصوت من wav الى mp3 لكن عمية التحويل دى مش ضرورية اذا كنت هتستخدم البرنامج التالت و هو AVI MUX GUI و أنا لاحظت انه أسهل برنامج في العملية دى بس جايز تقابلك نفس المشكلة اللى أنا لمحت عنها و هى عدم تحويل الملف كامل لأن ملف الفيديو ناقص و هتلاقي الحل بعد الشرح.
الخطوات:
افتح برنامج AVI MUX GUI و حط الملف بتاع الصوت و الملف بتاع الصورة في البرنامج عن طريق السحب و الالقاء بالماوس بعدها اضغط كليكتبن على كل ملف من اللى نزلته في البرنامج لحد ما يبقى زى الصورة أو شبهها اللى تحت

بعد كده اضغط Start و البرنامج هيطلب منك مكان حفظ الملف حدده و اضغط Save و بكده عملية الدمج هتبدأ

معتش ناقص غير الملاحظات اللى أنت قلت عليها و في الحقيقة كل المشاكل اللى قابلتنى أثناء تحويل الملفات هي مشكلة واحدة و حلها واحد و هو استخدام برنامج Total Vedio converter لتحويل ملف الفيديو الى Losles AVI سواء كان الملف اللى أنت عايز تحوله الى NSV أو كان الملف اللى أنت مستخرجه من من ملف الان اس في الأصلى و البرنامج أنا كنت هحطه في الموضوع لكن لقيته في المنتدى موجود و الحمد لله ادخل عليه من هنا

بكده أنا خلصت و أتمنى يكون الشرح عجبكم