كل الحروف ان صغتها مـا تكفيـك

اقبل هـلال الصوم جيتـك اهنيـك=وقت السحر ماودي النـاس تـدري
لا تطري الفرقى عسى الله يخليـك=فرقى الحبايب منكوي منه صـدري
قلبي وعينـي والمعاليـق ترجيـك=رد النّظر لا ترخص اليـوم قـدري
هذي يديني ترتجف بيـن اياديـك=اعطف عليّ لا توقد النـار بـدري
انا وقلبي يالغضي فـي حراويـك=سلمت لك روحي وسلمـت أمـري
داعي الهوى يا مهجة الروح يدعيك=لبي ادعاته قبـل مالليـل يسـري
مالك اموازي قَـلْ منهـو يوازيـك=ياواحة ينبـت بهـا كـل عطـري
ردي لي الفرحـه تعالـي اناجيـك=مقدر اكابر فاض بي اليوم صبـري
انت كنت تغليني فانا والله اغليـك=يفداك قلب(ن) جره الشـوق جـري
منهـو يسلينـي ومنهـو يسليـك=ومن يحفظ الاسرار يا سر عمـري
هذا قصيدي مولفه جيـت أوريـك=بخط سطر وتبعـه الـف سطـري
كل الحروف ان صغتها مـا تكفيـك=لوبه حروف(ن) تنشرى كـان اشـري