سر يا قلم واكتب معانات مجروح

سر يا قلم واكتب معانات مجروح =مجروح قلب وزاد همه عذابه
ما له جدا يا كود يكتب على اللوح= حروف حب(ن) ترجمت من كتابه
مترجمه بإحساس من داخل الروح =روح(ن) بها حب الحبيب لأجابه
اسمه ورسمه داخل القلب ما يروح =اسم الحبيب نبض قلبي جرابه
ولا اللوم قلبي لو بدا سره يبوح=صابر ثلاث سنين مما أصابه
والدمع من عيني على خدي يسوح =ياما مسحت الدمع بين القرابه
فكري تحير من عناء الوقت ماأروح=ولقبل سواد الليل همه سرابه
دون الحبيب قالوا العلم مطروح=وان قلت هاوي زودوها طلابه
قالوا ولد عمه ولا عنه بيروح =بابا(ن) أنقفل بالوجه يوم ألخطابه
من قولهم حسيت ان الروح بتراوح=واللي بوسط الجوف ما أحدا(ن) درابه
قضيت وقتي عندهم ضحك ومزوح =والعالم الله ويش قلبي غدابه
زادت جروحي جرح من قول لاتروح =الموت شفته يوم ودعت بابه
وهذا بقايا حب من قلب مجروح =سطر وعبر جرح ما به كتابه