إذا كنت سعوديا فلا تصاب بالدهشة وخليك هادي

**المحــارب** · #1 (**permalink**) 05-15-2008, 02:14 AM

1. أن تأتيك رسالة على جوالك بالخطأ وفيها ( يابوسعد تراني وقعت لك حضور خذ راحتك وخلص أشغالك والله يحفظك ) يعني الراتب وما بينقصه شي والمراجع ينطق بنقول له تعال بكره والمدير ماعندك أحد

2. وأنت ماشي بسيارتك بسرعة 100 ك س وماسك المسار المخصص لك وفجأة ( سيارة تتجاوزك من الجهة اليمنى خارج الخط الأصفر المخصص لوقوف الطوارئ ) ومعلق البوري ويسبك أيضا عشانك تمشي ببطء 100 ك س عطلت الناس ياحمار
3. تدخل محلا تجاريا لبيع المواد الغذائية بالجملة ينظر إليك الجميع ( على أنك شخص غريب ولست من أهل البلد لأنك الوحيد الذي يتكلم باللغة العربية لأن الجميع هم من العمالة البنغالية والهندية وتحس نفسك بأحد المحلات في دكا أو بومبي ويبي لك نصف ساعة عشان يعطيك المحاسب وجه ويكلمك بعبوس إيس تبقا ) وطبعا قاعد يرطن مع هندي ثاني وأظنه يقول هذا العله من وين جاي أزعجنا

4. تذهب للتسوق وعند شراء سلعة ما تسأل ( كم فلوس هذا سمان ياصديق؟ قال لك هذا قمسا طلاطين 35 تقول له ليش ياصديق هذا فيه محل تاني قمسا إسرين 25 ؟ يسحب منك السلعة بغضب ويقول لك رووهـ سيل هادا مهل تاني!! تقول له صديق أنا يبقا هادا ليس مافيه مساعده؟ يقول لك رووهـ أنا مايبقا بيئ أنتا كلِّي روووهـ ويبدأ يرطن بكلام ماتدري وش يقول ) أكيد يقول الله لا يكثر من أمثالك

5. تطلع أنت وأهلك للكورنيش ونفسك تتمشى مع المدام والعيال على المكان المخصص لرياضة المشاه فجأة ( طرررررررر صوت عالي تحسبه صوت دبابة عسكرية قلت أكيد في إنقلاب في البلد وزوجتك وعيالك صرخوا بصوت عالي ياباباااااااااا ) عااااااااادي لا تخاف هذا شاب جاي بمدري والله وش يسمونه المهم إنه دباب بأربع كفرات من الحجم الكبير وفاك القزوز العادم عشان يطلع صوت قوي ونفسه يتمشى وبسرعة تفوق سرعة الصوت وأنت وعيالك ترى ضايقتووووووه

6. تروح للمسجد تصلي وتشوف 50% من المصلين بلباس النوم وبدون طاقيه ولا شماغ وريحته خايسه صاحي من النوم وجاي يصلي ( عادي يا أخي ماهو رايح بيت مسؤول أو وزير أو أمير!! هو رايح بيت الله ) يَابَنِي? ءَادَمَ خُذُواْ زِينَتَكُمْ عِندَ كُلِّ مَسْجِدٍ ... أنت ليش تتضايق خليك كوووووول

7. مسافر عن طريق البر ونفسك تشرب قهوه تقف عند محل القهوة السريع تيك أوي وتطلب فنجان قهوة دبل إسبريسو عشان تصحصح ( كم الحساب قال لك خمسة ريال أوكيه تفضل شكرا مع السلامه ) بعد ساعتين نفسك في فنجان ثاني وتقف عند محل القهوة بس مو نفس المحل هذا إسمه مختلف تطلب نفس الطلب ( كم الحساب قال لك سبعة ريال !! ليه ؟ قال هذا سعره !! أوكيه تفضل شكرا مع السلامه ) وصلت بالسلامة واليوم الثاني مرهق وعندك أشغال ما يبيلها إلا دبل إسبريسو تروح لمحل القهوة وتطلب ( كم الحساب قال لك تسعة ريال !! ليه ؟ قال هذا سعره !! أوكيه تفضل شكرا مع السلامه ) طبعا إللي غير سعودي مايعرف إن محلات القهوة على الطرق السريعة وداخل المدن أكثر من الهم على القلب يعني بين المحل والثاني يمكن كيلومتر وبالنسبة للسعودي لاتستغرب لإن حماية المستهلك ووزارة التجارة مشغولين شوي بمنظمة التجارة العالمية وماهم فاظين لك أنت وقهوتك

8. تروح للمستشفى لزيارة إحدى قريباتك طبعا في غير وقت الزيارة الساعة 12 مساء ( صديقك سيكيوريتي هناك هلا بو فلان سلامات؟ الله يسلمك بس قريبتي منومة وجاي أشوفها يا خي وقت الزيارة زحمة وكنت مشغول ) أبد أنت تأمر أمر بس روح مع المصعد الخلفي عشان مايشوفك المدير المناوب وخذ راحتك طبعا لأن قسم النساء مافيه إلا قريبتك اللي منومه باقي الحريم عادي ماعليك منهم لو كانوا كاشفات ولابسات لباس المستشفى ليش مايجلسون ببيوتهم إذا مايبون إزعاج

9. واقف عند الإشارة وهي حمراء وأنت واقف في المسار الأوسط يعني تبي تمشي للأمام وعن يمينك سيارة وعن يسارك سيارك وتفتح الإشارة خضراء وتتحرك ( وفجأه إللي في أقصى اليسار داخل عليك لا ويدق بوري وزعلان ليش؟ لأنه يبي يدخل لليمين وأنت ضايقته ) يا أخي ماتعرف تسوق تعلم السواقه ياخي ماهم يقولون القيادة فن وذوق وأخلاق

10. واقف عند الإشارة وأمامك رتل من السيارات يمكن أنها أكثر من العشرين سيارة طبعا الجميع ينتظر الإشارة والحمد لله فتحت الإشارة ( وإلا اللي خلفك معلق البوري بببييييبببببب ) في هذي الحالة لازم تبعد عشان صاحبنا ما يزعل ويعصب بس وين تروح ماعندك جنحان

من ضمن غنايم الغزوات على المنتديات

اخوكم
المحـــــارب

الموضوع الاصلي من اوائل البرامج

ربيع قرطبة · 05-15-2008, 07:55 PM

الــريــم · 05-16-2008, 04:33 AM

المارد الملثم · 05-16-2008, 05:20 AM

**المحــارب** · 05-16-2008, 12:39 PM

**المحــارب** · 05-16-2008, 12:42 PM

**المحــارب** · 05-16-2008, 12:46 PM

أطياف · 05-17-2008, 02:39 AM

إذا كنت سعوديا فلا تصاب بالدهشة وخليك هادي

المنتدى العام